Mae Coleg Bedyddwyr Caerdydd yn gymuned ffurfiannol seiliedig ar ffydd sydd wedi bod yn paratoi menywod a dynion ar gyfer y weinidogaeth ym mhob maes o fywyd ers 1807. Cyfamodwn i 'gydgerdded' i ddatblygu aeddfedrwydd ysbrydol, sgiliau ymarferol, a gweledigaeth ddiwinyddol. Ceisiwn fod yn groesawgar, gan drigo ar y ffin rhwng yr eglwys a’r byd i archwilio’r ffydd a’r arferion Cristnogol mewn ffordd sy’n academaidd, yn ddiwinyddol ac yn berthnasol i anghenion heddiw. Gwnawn hyn gyda’n partneriaid eglwysig yn Undeb Bedyddwyr Cymru, Undeb Bedyddwyr Prydain Fawr, ac Eglwys Bresbyteraidd Cymru, yn ogystal â’n partneriaid academaidd ym Mhrifysgol Caerdydd.

 

Rydym yn angerddol am fod yn ddisgyblion sy'n mentora disgyblion. Fel sefydliad bychan, mae pob aelod o staff a myfyriwr yn adnabod ei gilydd yn dda ac mae gennym oll ran i’w chwarae wrth wasanaethu ein gilydd, cefnogi ein gilydd, a siapio ein gilydd ym mhatrwm a galwad Crist. Fodd bynnag, er bod ein maint yn rhoi’r fantais i ni o berthnasoedd agos, mae llawer o’n myfyrwyr yn dilyn rhaglenni academaidd gyda Phrifysgol Caerdydd, ac felly yn cael mynediad at adnoddau helaeth prifysgol ymchwil o bwys rhyngwladol.

​

​